閒來講下老香港的土語與做人的道理。我們戰後落難在香港時期，不論是外來客或本地人，日本皇軍統治之後在香港的，都是落難人，有錢的家道中落，沒錢的爛命一條，全部都要馬死落地行，鬼叫你窮呀頂硬上。搵食是用各種方式出賣勞力或腦力謀生，只是謀生，發達很難，置業也無緣，因為當時一棟樓一次過付款買，不會拆細和分期付款買。大家多是租屋住，租屋的再分租幫補家計，天台屋、天井屋、騎樓屋和山邊木屋很多，政府也沒錢請人去清拆，也不敢觸怒這些走投無路的窮人。
搵食是自謙之語，不是理直氣壯之語，口講搵食是要對方讓利，畀條生路行下。搵食是不做傷天害理之事，也不做傷害自己的事，一來是天良，二來只是搵食，東家唔打打西家，為兩餐者，點解要做到咁賤呢？搵食這土語，變種是搵兩餐、搵兩餐晏仔、搵啖飯食。這是做人退到最後一步，下一步就是搵命搏，例如街邊檔被踢檔而不講人情，就要搵命搏，捍衛最後的生存權。搵命搏也包括做危險行業來賺取更多工錢，例如搭棚、落渠、炸山、潛水、行船之類。
搵食是自謙之詞、委屈之語，搵食不是大嗮的。講「你搵食大嗮呀」？是指責對方搵食而撈過界，侵犯了其他人的搵食權，叫人縮返隻腳埋去。昔日茶餐廳大嬸拖地，叫客人「縮腳」，是一語相關的當頭捧喝，猶如《紅樓夢·第二回》智通寺對聯：「身後有餘忘縮手，眼前無路想回頭。」
食大茶飯
搵食的升格版，是作姦犯科，傷天害理，損害自己健康去謀取發達，叫搵大茶飯，例如走私、開賭檔、打劫銀行金鋪等等。
如今政府威迫員工打針才可以上班，這不是叫你搵食，是叫你搵命搏，打針之後是否升職兩級、加薪三倍？不是吧。打針顯示你臣服，之後一樣會裁員減薪，經濟衰退嘛。
如果有人說被逼打針去返工是搵食，恐怕他不是老香港人，經歷有限。
Source: 陳雲
No comments:
Post a Comment