Showing posts with label Author 觀影字語. Show all posts
Showing posts with label Author 觀影字語. Show all posts

Saturday, October 10, 2020

作戰之後,是作賤

有時看到某些同道對大眾香港人說話帶點涼薄感覺時,總會令想起以前自己還是一個仍有左膠思想的人。

以前我不懂原因,也不追究原因,一切都根據自己的第一感覺而下判斷。

2017年這個page由講電影(主力係香港電影)到2019年決定講政治後,我開始明白涼薄說話背後是受過多少委屈,多少攻擊,多少誣衊,多少中傷。

面對這一系列的抹黑和攻擊,若果精神意志不夠堅強的話,可能已經會出現精緒問題或退出這些一面倒而不說道理的輿論。

但不少同道仍選擇繼續這場在網上輿論戰,若被人port死一個page或被FB惡意禁言就馬上開第二個,繼續參戰……越要我收聲我就越大聲。

在網路輿論戰上,我一直只是個初哥,由上年6月開始被販粉攻擊,被媒體職員攻擊,被黃絲攻擊,被講獨攻擊也曾令過我灰心……

偏偏看著同道們的努力,更有些同道賭上自己多年營運的專頁去宣揚正途,我這個小page算不上什麼,為什麼要灰心??

難道別人說自己是分化撚就代表自己就是分化撚嗎??

「把口生係人哋度,佢哋要講咩都得,因為佢哋唔會為自己講嘅嘢負責任。」

這是一句我年少時常聽到長輩教導後輩的說話。

不少同道於去年如同不用睡覺休息似的經常發文,推聯署,分析局勢,將香港主流媒體不常報導的外國媒體在網上分享出來。更多次見到陳雲先生可以凌晨四時分享一篇外國資訊的貼文,數小時後寫一篇局勢分析的貼文……

什麼人真的用盡精神,用盡自己能力希望打勝一場「香港憲法保衛戰」……

這些事我全部看在眼內,記在心內……

在這同一道上,我是看著他們一直以來的背影而追趕著,也從他們身上而學懂要令自己的心更強,不要成為玻璃心,跟自己說一定要更加進步,就算有些東西要捨棄也在所不計。

2019年過去,2020年到來。看著那些曾攻擊自己,曾抹黑同道的人開始自打咀巴,有時內心少不免會說一句:「報應。」

捉鬼捉至勇武退場,黃藍圈子越來越攪不清楚誰是支持政府,誰是反政府,配合政權將恐懼和愚昧帶入人群生活,不停轉駄,黃圈互相割蓆……

同道一直的善意說話或比較涼薄的提醒,他們毫不吸收,因此才落得如此下場和混亂……

香港人真的很可悲。

#香港有得救

#香港人無得救

Source: 觀影字語

https://www.facebook.com/100948461283843/posts/386144526097567/

Friday, October 09, 2020

恐慌的下場

一場玩咗接近一年嘅瘟疫政治,令到成個經濟狀況處於懸崖邊,再被人進迫一步就隨時跌入深淵。

有人為咗自己所屬行業向政府下跪,亦有人為個人利益出賣友人。

我唔係一早就知道政府玩咩嘅人,喺頭一兩個月我都係選擇行後一步睇清楚場瘟疫政治會點發展,但當時就千叮萬囑他人唔好恐慌,因為我好清楚當內心出現恐懼時就會影響思考同判斷力。

但當我知道政權玩緊咩嘅時候,大眾已經成為咗瘟疫政治嘅棋子,限聚令限商令亦接踵而來,身邊唔少朋友同相識突然間陷入財困,而政權提出嘅防疫政策更將唔少香港人內心嘅醜陋引晒出嚟……

聽聞依家已經有小學生會將口罩戴唔好嘅人當成播毒者,當中包括自己嘅同級同學,呢啲思想係咩人植入喺學生腦袋??

有啲嘢已經好難改寫……大家要好好保重。

上年六月去到今時今日嘅說話︰

習文學武,好好保護自己,唔好咁易信人。


Source: 觀影字語

https://www.facebook.com/permalink.php?story_fbid=385314329513920&id=100948461283843

Sunday, October 04, 2020

泛民2019行為整合

2014年呢班人當衝立法會嘅人係仇人咁狙擊。

2019年7.1爆玻璃前,佢哋依然做緊同一行為。

721過後佢哋了解勇武嘅重要性。

8月呢班人將舉美旗嘅行動者當滋事人仕咁對付,期後美國終於講出口會關注香港問題,呢班人又覺得功勞歸於黃之鋒。

因為有死差佬偽裝示威者,呢班人又開始做啲不利勇武義人嘅行為(捉鬼)。

無耐之後佢哋唔明白政治外交上嘅細節係應該要對準時間執行先有最大作用,就自以為是咁不停係網上屌侵侵唔簽名。

呢班人口講不割蓆,但每次有行動者做咗啲超越自己個人道德底線就話行動者不是,仲以為將呢啲行為同偽裝警掛鈎係好聰明嘅舉動。

口講和勇不分,但就接受7.1阻住行動者嘅議員,將義人流嘅血去票償俾班議員。

之後一場全球性嘅瘟疫政治,明明自己係要搵外國援助嘅一群人,就不停話外國防疫做得差,佛系抗疫,話人抵死。

用咗接近20年去認知敵人係中共,但竟然不停恥笑一個有最大決心對付共產黨嘅國家總統。

每次應該行東,呢班人偏要向西行,

跟住問你有咩高見,答咗佢原因,

佢哋又話要「各自爬山」,

叫佢哋唔好捉鬼,佢哋又話「唔通咩都唔做」,

到舐咗嘢啦,想佢哋檢討下自己,

佢哋就問你做過啲乜(我識如來神掌又要話過你聽咩),

叫佢哋睇下歷史教訓,佢哋又話「考古搏乜」,

有時仲要幫人掩飾錯失,話要「不分化不割蓆」,表示共產黨最開心見到呢啲情況……(你邊位呀?同共產黨好熟呀?共產黨最叻嘅係叫人團結,打統戰呀on9!!)

明明共產黨最開心係見到你班人挺身而出,幫一直舐緊共產黨腳趾嘅人護航。

#香港人究竟做錯咩??

呢班人真係唔知??

定只係接受唔到自己種咗幾多「孽」??

Source: 觀影字語

https://www.facebook.com/100948461283843/posts/381325506579469/