AI取代工種？

太多討論，都係講AI會唔會取代攝影師、導演、動畫師等等。

呢類嘅討論同剛剛有數碼相機嘅時候有啲相似，當時好多人覺得人人都係攝影師，人人都可以通過螢幕，所見即所得，冇咗以前嗰種神秘感，攝影師好似突然無左魔法咁。

喺我嘅角度，工具嘅進步，只係將某一啲Standard推高，好似相片嘅像素，清晰度，對焦嘅速度同埋準確度都提升左另一個層次。相機嘅內置pre-set都幫手加強左畫面嘅顏色、氣氛嘅表達等等。

但係到呢一刻我都見唔到攝影師有被取代嘅情況，反而多咗人加入，我自己就係其中一個因為數碼攝影而更容易踏入呢個行業嘅受惠者。

只係而家再冇藉口話張相唔夠sharp, 對唔到焦，出唔到咁大，咁暗影唔到等等嘅理由。

放返喺而家AI嘅世界，佢幫我哋做咗部份嘅創作，部份嘅畫面，最直接就係減低咗時間、成本、人手同埋器材。

即係話，只要你有足夠嘅創意，AI可以幫你一個人完成，以前唔可能完成嘅嘢。相反，你只係依賴AI整一啲以前睇落‘靚靚哋’都OK啦嘅嘢，而家就會被視為AI垃圾。即係你而家唔會話：你睇吓我張相幾Sharp, 對焦對得幾準，顏色幾鮮艷，就覺得呢張係一張靚相掛。

Source: noelchau

https://www.threads.com/share/_7viK7DPD/