大部分健全嘅國家，都會有國企參與重要嘅行業，就算唔係國企都會同相熟嘅私人企業有密切接觸。呢啲行業通常都係關於基建，例如通訊、醫療、教育等，有戰略考慮嘅行業。其中一個就係航空業。星加坡航空屬於星加坡政府，而美國各大航空公司同美國政府係有直接渠道互相溝通。
一個小小嘅香港，曾經擁有一個可以喺世界稱霸嘅航空公司，佢叫做國泰。成立於一九四六年，無論風風雨雨，都屹立不倒。六七暴動死唔去、八七股災死唔去、九七金融風暴死唔去、沙士死唔去、雷曼兄弟死唔去。去到今年，面對香港人甘願受政府嘅恐嚇去做無謂嘅防疫，連同港共政府處心積慮要實踐北京委任落來嘅政治任務，摧殘咗一個多年來都係世界貨運量之冠嘅一間航空公司。
國泰係香港嘅國家航空公司。呢個唔係一廂情願嘅講法，而係正確嘅稱呼，對於熟悉航空業嘅人係常識。國泰嘅式微，就係香港嘅化身。就算最後嘅死前掙扎，用香港飛香港等計劃嘗試激起本地旅遊，都難逃一劫。呢一劫，香港人每一個都有份參與，有份助紂。
如無意外，中國嘅航空公司會開始低薪接納啱啱晉身失業大軍嘅幾千名前國泰港龍員工，繼續用熟悉嘅劇本赤化香港各行各業。若然你覺得國泰抵死嘅，請你繼續覺得佢抵死。因為到你知道香港失去咗咩嘅時候，你嘅笑聲逐漸會變成飲泣。
 |
| https://www.bbc.com/zhongwen/trad/business-54626151 |
Source: 學民苦主大聯盟 Anti-Scholarism Alliance
https://www.facebook.com/1554925174798702/posts/2503590076598869/
No comments:
Post a Comment