知唔知咩叫無賴？無賴就係，無論你用咩辦法對付佢，佢都會有辦法應付，甚至可以將計就計，借力打力，反咬你一口。
譬如你義正辭嚴指責無賴食人血饅頭，佢會反過嚟同你講，「手足放低左袋人血饅頭，咁你食唔食？你仍然要食，食左先有力氣繼續打仗，為佢地報仇」。又例如，大家發動無名無姓既流水戰術，無賴就會搵幾個封曬眼耳口鼻既「無名無姓」者出嚟，「代表」無名無姓者，然後搭個所謂民間記者會既雞棚，控制返你轉頭。再例如，無賴知道自己開始失人心，於是就搵堆垃圾出嚟扮素人，叫大家投票俾呢班素人，但事實上呢班素人只係佢地既傀儡。
無論你係以牢不可破既道理指責佢，以聲色俱厲而大義凜然既態度責備佢，以排山倒海而件件確鑿既證據打擊佢，甚至索性潑婦罵街去鬧佢，佢都一定有辦法將你既攻擊化解消散，並反過來令你受到傷害。呢啲就係無賴。
而對付無賴既方法就只有一個，就係比佢更無賴，而要比佢更無賴，首先你就要比佢更無良心。但問題係，比佢地更無良心而又唔會變成無賴既一份子並反過來對付佢地既人有幾多個？
Source: 南金東箭
No comments:
Post a Comment